"我要嫁個有錢人"

同事係報紙上睇到篇好正既文章, 想同大家分享一下. 宜家佢地見親我就講: "你咪得果５年..."

Part I (Please click the image to enlarge)


Part II


"我要嫁個有錢人"係我畢生既夢想，不過概然係夢想，就當然係唔會實現啦．．．退而求其次，"唔要嫁個窮人"已經好好．我明白錢唔係萬能，不過"貧賤夫妻百事哀"我就完全明白，因為自小屋企就有版你睇．有錢人有有錢既煩惱，窮人就有更多更多煩惱，都係有錢地煩著數ｄ，哈哈!

"Black Horse"理論係我心中早已經存在，唔駛作者教我都識啦外形係可以執既，回想起初相識既草頭，身著白Tee，腳穿蘿蔔褲，再加多頂cap帽同智障鞋，佢竟然以呢身打扮送我返屋企.......唔該, 唔好係我10呎範圍內出現．不過，經"專人"執過後當然唔同哂啦．那時既草頭忙於返學返工，非常之上進；不過宜家既草頭，一放工就打機．咁意味著......

小心...

今日差d上報...話說我如常起身,落樓,搭小巴返工. 最後一個落車既我,落車之後發覺行唔郁, 原來件褸既腰帶扣左係小巴門度, 我未趕得切出聲架車已經關門開走左... 好彩架小巴行左一陣就停,亦都只係扯走左我條腰帶. 如果唔係連人帶褸比架小巴扯左佢既話, 聽日你就係報紙見到我啦

住家扒餐

早陣子係citysuper既privilege night買左兩塊扒返黎自己煎, 見佢有8折先買黎試下(不過折完兩塊都要三百蚊落樓...) 今日見冇咩野做, 去左百佳買左包腸, 菜心同sashimi返黎食, 剩食扒好悶架嘛. 草頭覺得咁既配搭好九唔搭八, 不過我理鬼佢啦. 基本上成個過程我只係負責剪開包裝紙, 洗菜同"六"菜,其餘就由草頭負責(煮+洗), 草頭好勁呀!!!!

呢餐overall都唔錯, 宜家仲係超飽.塊Prime Angus扒果然係一分錢一分貨. 不過下次再食就要等年尾既privilege night lu...

突如其來的消息...

估唔到阿D會係probation既最後1日resign, 比突如其來既消息嚇一嚇窒...不過如果比係我,我諗我會一個月未夠已經resign左. 你都頂唔順日日都無人同你食lunch, 無人願意同你傾計, 個個都瞄你, 上頭又日日同你上堂...真係好無癮架!!所以佢可以頂到今時今日都好厲害下. 祝佢下份工作順順利利啦~ 其實佢一走我仲驚, 話哂之前都叫有人墊下我呀, 宜家開始就要由自己食哂, 直至空缺另有新人上任.

又要重新適應另一個人既做事方式, 真係有d吃力. 仲有一個月就過probation, 唔知到時會唔會有咩事發生係我身上呢

突擊測驗

係公司常常遇到突擊測驗, 今日就突然比人召左去, 問我一d野: "objective" "strategy"同"tactics"知唔知個分別係邊? 頭一個當然好顯淺啦, 但第二同第三個就比佢拋窒左一下...係口窒窒之下尚算答o岩, 少d心血都比佢嚇死, 成日突擊測驗咁問問題.

HAPPY NEW YEAR!

話咁快就2008年啦, 已經忘記左2007年許下既08願望/大計...不過宜家有blog,有憑有據,下年無走雞啦掛...

2008願望/大計:

1. 草頭事事如意
2. 大家身體健康, 尤其家人
3. 搵多d錢...係投資方面
4. 做運動keep fit
5. 應駛則駛,應慳則慳
6. 可以一年內去到2個旅行
7. 工作順利
8. 學懂知足同欣賞自己, 建立個人自信
9. 珍惜身邊人及事物
10. 改善家人關係

以上純粹妄想, 估計出年都係頂多完成幾個...

由聖誕, 婚宴到除夕party都無停過, 雖然好攰, 但同大家聚聚確實好難得, 好開心~~

Christmas party:
(玩緊Things..in a humour box)

(係呢個party都係玩Things...哈哈)

Natalie's wedding:
又一對高人一等既組合! 新娘子係台上講左多謝父母之後已經泣不成聲,之後唯有由新郎哥一個頂上. 見到佢喊, 我都想喊埋一份,不過忍住! 好羨慕佢同家人既關係咁融合, 他日我有仔女,都係希望可以係咁...

諗起另一個朋友既婚禮, 新娘子同佢家人都係國語人, 當新娘跪茶時, 長輩同新郎講左句"你要好好照顧她一輩子!", 我聽到即時眼濕濕, 因為用國語講呢句說話, 個感受原來會大好多好多!!!

(唔駛估, 件衫確實係同上一張相果件係一樣既!)

(由新人既日本朋友準備既別緻曲奇賀禮，只得150件送比在座來賓.)

Ex-colleague Gathering:
好可惜無影底任何相...可能果晚既時間比較少,打完邊爐玩一陣wii已經好夜lu, 大家都趕住走. 雖然已經離開左舊公司2個月, 但同舊同事一d陌生既感覺都無, 不竟大家共事3年有多,相處得咁開心!

New Year Eve Party:
係朋友家天台bbq, 凍到抽筋,我估得8/9度到, 不過依然樂在其中~ 好享受同朋友相處既時間, 雖然都係廢up無聊野. 有兩pair人宣佈會係08同09年結婚,恭喜恭喜!! (派少４封利是喎...)其中有pair仲揀左係12月31日. 出年除夕party唔駛煩啦,YEAH!




總結完畢，聽日要返工啦，成個１月份仲要無紅假添...