禮物

暫時收到既聖誕禮物包括有handcream(超香!),lip gloss(已經成屋都係...), 座枱鐘(要比返$1人地)等等, 當然開心啦!我影左d相, 仲有我既辦公桌(多野到嚇死人,返工至今都未點執過, 再加埋上手留落黎既野...)

琴日同草頭家人去左佐敦飲茶,同草頭妹妹傾開, 大家都想搵個黑色手袋. 所以飲完茶之後, 大家就去左樓上舖望下有冇咩正貨. 好彩, 安全離開...諗住去埋Harbour City令返部修理好既吸塵機就返屋企架啦, 點知途經北京道既Miu Miu,係好奇心迫使之下就入左去. 一入到去, 大家就同時釘住一個黑色手袋, 草頭妹妹二話不說就問sales姐姐有冇新, 我就不停掙扎中唔出聲. 點知sales姐姐令左2個袋出黎,話已經係last two,佢仲話隔離有2個客等緊, 我地唔要既話就比佢地架啦... 草頭同草頭妹妹即時望著我,等我既反應. Sales姐姐既策略好成功, 我就話
"2個要哂呀唔該!"...好豪呀, 又買左份聖誕禮物比自己啦


只管看, 不要問...

無鬼用

Giant鉛筆同事收到我份xmas gift之後狂笑, 我睇得出佢好喜歡份禮, 我都好開心

今個聖誕前一d開心relax既感覺都冇, 可能日日都仲係埋頭苦幹, 返得早收得夜. 公司既野又未完全pick up,但又要開始plan出年既野, 自己又未夠料, 好多野反而要向"下"請教. 好在個個都好肯教我, 不過就覺得自己好蠢咁,有壓力囉
我明既, 食得咸魚就抵得渴嘛...

好得意!!!

今日收到一個好有趣既email, 係同事既跳舞clip, 當然唔係真跳,只係key個頭上去, 但係效果好得意, 返到屋企時即刻自己整返個玩下http://www.elfyourself.com/?id=1357864782

真係好攰...捱埋聽日,就有兩日休息

聖誕節

今日收到2007年首張聖誕卡(並唔係草頭送,而係草頭妹妹), 當然開心啦, 放左係公司枱頭, 令我覺得聖誕就黎到,又可以放假瞓覺,諗起就開心...連日來(都係weekend啫)預備聖誕禮物同卡,都係希望大家開開心心...送禮物係好開心既過程, 收禮物就當然更加開心啦. 琴日係LCX買左支大碼鉛筆好得意,專登買黎襯返同事枱頭既大碼原子筆, 希望佢會鍾意啦!

有件事好唔開心, animal洗衫時整到我件心愛turtle neck一撻撻色, 係日本買架,hk多多錢都買唔返呀!!!

忍唔住...

今日係個廁所入面,睇到一個值日清潔女工既名牌掛左係牆上面, 睇完之後忍唔住笑左出黎...."伍...銀...用"!!!係唔係佢個名係英文拚音譯過黎既呢?定係佢一出世就陀衰家,父母同佢改左咁既名呢?

屋企又多左樣傢俬...WII FIT.草頭琴晚係灣仔見到,又見佢既價錢比佢個同事(一條水魚既出現)買既平一半,結果,佢(另一條水魚)又忍唔住買多份聖誕禮物比自己. 玩後評語係佢同屋企另一舊傢俬(JOBA)一樣,一開始好似好得意咁,又好天真咁真係信佢可以同自己減肥健身,然之後, 成為招呼朋友既一舊傢俬....

人事複雜

知道同事越多野,就越發覺自己太單純"簡稱:七"--- 唔知人地做野既真正用意,唔知人地說話既背後意思, 以為個個都係大好人....可能離開現實生活太耐, 唔太識點處理...好彩, so far 我都未成鏢靶,又或者成左未知啦. 　都係唔諗住，搞掂好手頭上工作先算．．

進修大計

日文公開試告一段落...要諗諗應唔應該繼續讀落去. 如果我仲係舊公司做野,就一定繼續讀, 但宜家係新公司, 對英文既聽寫要求非常高, 所以我猶豫緊係唔係應該讀英文而唔係日文. 讀日文係出於興趣,讀英文係為左個飯碗. 理性考慮就當然係飯碗緊要過興趣啦, 不過一掉低日文既話,我呢年既努力又白費...唉...

通知聲大家, CEF課程既claim錢deadline由原本既開課後2年內,延長至4年. 當局會係12月發出有關通知, 熱線負責人叫我等收到通知再plan明年進修大計喎!

逃避

聽日就要考日文四級試,因為知道溫唔切書,所以整個blog,再waste多d時間....呵呵
初めまして　どうぞ　よろしく